Caribbean Ties Exposition

May 22, 2019 06:30 PM


Georganiseerd door:

Fundacion 1403

    0-3 years, 4-12 years, 13-17 years, 18-25 years, 26-50 years, 50+ years


    2019-05-22 18:30


    2020-05-22 00:00


    Facebook


Contactpersoon:
    Julie Thode
    5928628

    Museo Arkeologico, Schelpstraat 42

image



Over Evenement

Diaranson dia 22 di mei 2019 na Museo Arqueologico Museo Arqueologico a tuma luga e apertura di e exposicion internacional “Caribbean Ties” Aruba. E exposicion Caribbean Ties ta un colaboracion entre e proyecto NEXUS 1492 y diferente instancia di diferente pais den region Caribe, como tambe cu MUSEON na Hulanda. E proyecto di investigacion importante NEXUS 1942 di Universdidad di Leiden a haci cu diferente instancia den paisnan den Caribe, di cual entre otro NAMA di Aruba, a haya e oportunidad unico pa haci investigacionnan profundo, cu profesionalnan den diferente ramo di experticio y a duna e accesibilidad na metodonan di investigacion cu normalmente ta fuera di alcance di Aruba. E proyecto di NEXUS 1492 tabata dirigi riba e historia indigena di e paisnan Caribense aki di e periodo prome cu Columbus pa asina por conta e historia Amerindio for di punto di bista di e hendenan indigena y no manera cu nos conoce for di buki di historia skirbi for di punto di bista di e Europeanonan. For di e investigacionnan aki a sali hopi informacionnan y a nace e idea pa bin cu un exposicion internacional temporario cu lo habri e aña aki den e luna di mei rond di e fecha di Dia Internacional di Museo, cual ta 18 di mei, na diferente pais den Caribe cu a participa den e proyecto NEXUS 1492 pa asina mustra publico algun di e resultadonan di e investigacionnan aki, y subraya tambe tur e similaridadnan cu tin den Caribe cu ta un resultado di nos herencia comparti(‘shared heritage’). Pues e idea pa “Caribbean Ties/ Lasonan Caribense” a nace y ta birando un realidad.NAMA y F1403 ya for di hopi aña tabata tin un idea pa bin cu un ‘traveling exhibit’ temporario den Caribe cu e mesun enfoke, y na aña 2012 a organisa un Think Tank hopi exitoso na cual diferente partnerden e region di Caribe a participa y a brainstorm hunto pa ideanan con un exposicion asina lo mester ta hinca den otro y con e lo por funciona pa diferente pais den Caribe. ‘Lord Cultural Resources’ a guia esaki y a produci un rapport cu e resultadonan di e Think Tank aki, pues NEXUS 1492 un uni forsa cu NAMA y F1403 y entre otro e rapport aki a yuda pa yega na un concepto pa e exposicion “Caribbean Ties/ Lasonan Caribense”.Museo Arqueologico Nacional Aruba, Fundacion 1403 y NEXUS1492 cordialmente ta invita henter pueblo di Aruba pa bishita e exposicion “Caribbean Ties”.