<< Back to results

Archivo Nacional Aruba

Active in these sectors:

Provides services for: Children, Youngsters, Elderly, Adults

E organisacion di ANA ta wordo dirigi pa un hefe y e personal trahando na ANA ta encarga cu e procesonan primario y of sostene e procesonan di e organisacion. E hefe di ANA ta encarga cu e maneho general, pa duna contenido na e desaroyo y realisacion di e maneho y e sosten na e Minister di Asuntonan General dunando forma e maneho di archivo pa pais Aruba. E hefe alabes ta supervisa e cuido y perservacion di depositonan nacional di archivo y ta encarga pa e aplicacion corecto di e ley y condicionnan pa cu e archivo.

E seccion(nan) cu ta encarga cu e procesonan primario di e organisacion

Seccion Central di Archivo (Afdeling Centraal Archief Selectie):
E seccion Central di Archivo ta encarga cu e seleccion y inventarisacion di archivo. E archivo ta wordo inventarisa y poni den un lista, pa asina traha un plan di procedimento pa nan permanencia den e depositonan.

Seccion Conservacion y Maneho (Afdeling Archief Behoud en Beheer):
E seccion di Conservacion y Maneho ta encarga pa mantene y cuida e archivo cu a wordo traspasa pa ANA, e cuido di e deposito(nan) y preservacion di archivo pa medio di restauracion, conservacion y digitalisacion.

Seccion Servicio (Afdeling Dienstverlening):
E seccion di Servicio ta encarga cu e servicio general na e bishitantenan di ANA, dor di ofrece e bishitantenan un centro di documentacion y informacion, un sala di estudio, biblioteca y facilidad pa Internet. Desaroya programa(nan) educativo entre otro, curso, lectura, exposicion, workshop, evenemento y publicacion pa e publico en general y principalmente pa esnan interesa den e historia di nos pais y tambe di famia (genealogia).

E seccion(nan) cu ta encarga pa sostene e procesonan di e organisacion

Seccion Maneho y Investigacion (Afdeling Beleid en Onderzoek):
E seccion di Maneho y Investigacion ta encarga pa sostene y duna conseho riba e maneho general di e departamento y riba tereno y investigacion di archivo. Alaves ta sostene e departamento den e ehecucion y implementacion di e maneho. Ta haci inspeccion di archivo pa cumplimento cu e leynan, duna conseho riba durabilidad digital y investigacion historico riba e historia skirbi y oral di Aruba y skirbi raport di e investigacion.

Seccion Operacional (Afdeling Bedrijfsvoering):
E seccion Operacional ta encarga pa facilita y sostene e procesonan primario di ANA, entre otro dor di ta encarga cu e presupuesto y administracion financiero, administracion general y di asuntonan di personal, supervision y mantencion di e edificio y tereno.

Purpose of the organization

Mision:
E mision di ANA ta pa warda, cuida, y proteha e archivo di Gobierno, cu a wordo traspasa pa ANA y of cu ta na e departamento(nan) di Gobiero, cu tin un balor historico pa Aruba.

ANA ta encarga cu e administracion y conservacion di e memoria nacional y e herencia cultural di Aruba. E meta principal di ANA ta pa warda y usa Aruba su archivo na un manera responsabel y duradero, poniendo esakinan na disposicion di investigadornan, departamentonan di Gobierno y sin lubida e futuro generacion.

Den esaki ANA por contribui na un mihor transparencia di gobernacion y di un bon gobernacion.

Vision:
E vision di ANA ta pa sigui crece como un centro di documentacion y pa por sigui brinda un servicio optimal na esnan buscando informacion. ANA kier amplia e servicionan entre otro dor di:

- implementa e ley di archivo pa Aruba y pa esnan trahando cu archivo mantene esaki, ora di registracion, wardamento y traspaso;
- registracion eficiente di e documentonan pa medio di diferente methodonan di buskeda pa asina e publico por haya e informacion cu e mester, den un tempo cortico;
- haci e accessibilidad na informacion mas facil y transparente;
- ofrece un servicio moderno y confiabel;
- ofrece cursonan (cualifica) riba tereno di archivo pa prepara e personal trahando cu e documentonan.

Services/Activities

Den e coleccion di archivo tin documento, mapa, potret y material audio-visual. E coleccion di ANA ta ensera archivo di Gobierno y of di persona y instancia(nan) particular.
E documento mas bieu cu tin warda ta e Rekwestenboek di e Commandeur Lodewijk Christoph Boyé cual ta data 1816.
Actualmente ANA ta maneha rond di 15 kilometro di archivo, mas 1250 cinta di material audio-visual y mas cu 100.000 potret historico di Aruba.

Tarea
Pa logra e metanan di ANA y pa duna un servicio optimal na esnan buscando informacion, e tareanan di ANA ta entre otro:
- warda, cuida y conserva tur e archivo cu ta cerca ANA;
- administra tur archivo ricibi di Gobierno of instancianan particular;
- inspecciona e cuido di archivo di Gobierno en general;
- conseha Gobierno y of instancianan particular riba maneho general di archivo di pais Aruba;
- controla, ordena, describi y haci e archivo accesibel pa investigacion;
- duna informacion relaciona cu e documentonan warda den e archivo;
- digitalisa documentonan, potret, audio y video tapes pa garantisa nan durabilidad;
- restauracion di documentonan fragil;
- haci investigacion y publicacion di e investigacionan;
- haci investigacion genealogico (stamboom) pa esnan cu ta interesa den nan historia familiar;
- haci reproducion di potret y video.

Obehtivo:
- bira e deposito central pa e archivo di Gobierno;
- bira un centro di informacion y investigacion;
- ofrece e posibilidad na otro personanan of instancianan pa warda nan archivo;
- stimula interes den historia cerca e comunidad, dor di ofrece e facilidad di un sala di estudio pa muchanan y adultonan;
- un centro di educacion y actividad na unda lo duna cursonan/lecturanan riba tereno di archivo y historia di Aruba;
- duna conseho y stipula standard pa e digitalisacion di documentonan;
- expone e coleccion di ANA, pa medio di exposicion of publicacion, pa medio di lecturanan y anochi di informacion;
- amplia e coleccion di ANA dor di adkiri informacion for di nos comunidad (nos grandinan) cu ta conta historianan (historia oral) di nan famia, edificio, Aruba en general, custumbernan y describi potretnan ect.