<< Back to results

Multi Functionele Accommodatie Paradera

Active in these sectors:

Provides services for: Children, Youngsters, Elderly, Family & relationships, People with disability, Vulnerable groups, Adults, Parents

Acomodacion Multifuncional of Multi Functionele Accommodatie (MFA) ta un concepto caminda ta pone diferente tipo di servicio bou di un solo dak pa asina hasi e bida di e cuidadano den e bario mas facil y agradabel.
Ademas di brinda un variedad di servicionan gobernamental y no-gubernamental , haci tramite di documento y pago di servicionan mas facil, e acomodacion tin un tarea esencial di promove y facilita e participacion y interaccion social di e ciudadanonan den e comunidad door di por ehempel ofrece actividadnan educativo, recreativo y social pa tur edad. Ademas ta promove pa e acomodacion comberti den un punto di encuentro pa topa cu hendenan di e barrio.
Ademas di nan aspecto funcional, tin un vision specifico tras di e introduccion di e facilidadnan multifuncional. E edificio mester ofrece algo adicional na e comunidad. Esaki ta bin den forma di luganan manera cafetaria, bibloteca, internet y diferente espacionan paden y pafo cu ta sirbi pa recreacion social, cultural, teatral y musical.
Di e forma aki ta crea e posibilidadnan pa hendenan topa otro y asina trece e bario mas hunto y crea e cultura di wak pa otro su bienestar pa medio di actuacion boluntario. Un sociedad cu personan cu ta mas pro-social y caminda actonan boluntario ta forma parti normal di e bida diario, ta un sociedad mas fuerte y exitoso. E vision ta pa brinda nan e espacio y hermentnan necesario pa nan ta mas activo y efectivo y stimula e cultura di comunitarismo den e siguiente generacionnan.

Purpose of the organization

Pa ofrece un mihor servicio serca di cas
Pa facilita habitantenan, instancianan y organisacion
Projectonan social, cultural y teatral
Un lugar pa bini hunto unda comunidad ta encontra otro pa crea un bario mas uni
Un lugar pa tene reunionnan y encuentronan
Accesible pa un y tur; cualkier edad cu cualkier limitacion

Services/Activities

Hulpbestuurskantoor
Departamento di Impuesto
Biblioteca
Internet accesibel pa publico
Sala di computer
Cafetaria
Espacionan di huur
Skina di recreacion pa mucha
FEDAA
Sociale Zaken

Opening hours

7.30 am – 5.30 pm

Orario di diferente servicio den MFA Paradera:
Hulpbestuurskantoor dialuna pa diabierna di 7.45 am – 3.00 pm
Departamento di Impuesto dialuna pa diabierna di 8.00 am – 3.00 pm
FEDAA dialuna pa diabierna di 7.30 am – 3.00 pm

Departamento di Asuntonan Social DAS tin diferente orario pa servicio di bijstand y pa servicio di guia social. Servicio di Bijstand ta wordo ofreci tur diamars, diaranson y diahuebs di 7.30 am – 12.00 pm. Servicio di Guia Social ta wordo ofreci di dialuna pa diabierna di 7.30 am – 12.00 pm y di 1.00 pm – 4.30 pm.

Biblioteca dialuna pa diabierna di 7.30 am – 4.30 pm

Cafetaria dialuna pa diabierna di 7.30 am – 4.30 pm