Your profile
Fundacion Bon Nochi Drumi Dushi ta enbusca di boluntario motiva, dedica, punctual, interes den lesamento, flexibel, creativo, responsabel y cu por traha bon den team pa forma parti di nos directiva

Description
Lesamento ta un herment indispensabel pa desaroyo y formacion di un pueblo.
Fundacion Bon Nochi Drumi Dushi ta un proyecto di promocion di lesamento cu e meta pa stimula lesamento cerca e mucha di chikito caba.
E prome fase di e Proyecto ta enfoca riba e mucha di 4-8 aña, pasobra esaki ta e edad mas apropia pa lanta interes den lesamento cerca e mucha.
Nos enfoke central ta nos idioma papiamento y bishita di lesamento na cas, pa comparti e placer di lesamento cu e mucha y mayor, duna informacion y stimula mayor pa lesa cu nan yiu(nan)
Creatividad y diversificacion pa por logra su meta tambe ta di importancia. Pa duna contenido na e aspectonan importante aki, FBNDD ta ofrece diferente actividad.
• Bibliobus den bario cu cooperacion di BNA
• Bustour cu diferente tema.
• Exposicion
• Informacion den bario
• Competencia di lesamento
• Quiz di lesamento
• Feria di cuenta y storia
• Clausura grandi na final di cada aña
• Lesamento na fiesta di mucha y diferente instancia
• Duna tayer y informacion na diferente instancia (Instituto Pedagogico Arubano)
Nos boluntarionan ta un factor indispensabel pa logra nos meta. E boluntario ta e curason di e proyecto, sin e sosten di e boluntarionan esaki no lo ta possibel.
Fundacion Bon Nochi Drumi Dushi ta enbusca di boluntario creativo, entusiasma cu passion pa lesamento pa forma parti di nos directiva pa e siguinte vacaturanan.

• Presidente
• Vice Presidente
• Secretaria
• Tesorero
• Comisario


Job Type
Board/Organizational support

Sector